Момчињата на пејачката Лана дел Реј (39) отсекогаш биле, во најмала рака, чудни. Пејачката никогаш не била премногу заинтересирана за познатите колеги, па пред неколку години се верила со полицаецот Шон Ларкин. Но, нејзиното ново момче е далеку од холивудскиот гламур.

Џереми Дуфрен (56) е ловец на алигатори и татко на две деца, кој работи како водич на тури кои ги носат туристите на чамци низ мочуриштата во Луизијана, преполни со алигатори, пишува „Дејли мејл“ (DailyMail).

Двојката била видена како се држи за рака на фестивал во Лидс, Велика Британија. После тоа, тие биле снимени како купуваат во Лондон, а подоцна биле забележани на вечера во еден локален паб.

Се запознале во 2019 година кога Лана била на една од неговите тури.

– Џереми ми дозволи да бидам капетан на бродот на „Arthur’s Air Boat Tours“ – изјави Лана со неколку заеднички фотографии на Фејсбук.

Џереми работи како туристички водич за Arthur’s Air Boat Tours, а во неговата биографија на веб-страницата на агенцијата стои дека порано работел во хемиска фабрика.

Откако семејството го убедило да се занимава со оваа работа, тој добил капетанска дозвола и почнал да вози тури. Брзо сфатил дека тоа му одговара и никогаш не размислувал да се врати на претходната кариера во фабриката.

„Џереми е одличен капетан на брод и сака да комуницира со дивиот свет и со луѓето“, се вели во биографијата.

– Никогаш не знаеш на кого би можел да налеташ на некој од моите чамци, ми беше задоволство, Лана – коментираше Џереми на социјалните мрежи.