Македонската кошаркарска репрезентација не успеа да приреди изненадување и претрпе пораз од Литванија во денешниот натпревар од третото квалификациско коло со 67:82.

Селекторот Александар Јончевски за овој натпревар не можеше да смета на најдобрите: Ненад Димитријевиќ, Ти-Џеј Шортс, Итан Хап и Андреј Јакимовски, а нивното отсуство можеше да се забележи од самиот старт.

Многу брзо Литванија дојде до двоцифрена разлика (2:12). По првата четвртина на семафорот стоеше 9:23.

Литванија продолжи да доминира и во втората четвртина, па така предноста само растеше од „минута во минута“. На пауза предноста на гостите изнесуваше 17 разлика (27:44).

Слична слика на теренот гледавме и по враќањето на кошаркарите на паркетот. Литванија изгледсше сигурно и не дозволиваше Македонија посериозно да се доближи и да ја загрози победата на гостите.

Последмата четвртина беше единствената која Македонија ја доби во своја корист, но тоа беше премалку за некаков пресврт. Веројатно дојде и до опуштање во гостинскиот табот и чувсње на силите за следните предизвици.

Со оглед на катастрофалниот почеток кој го имавме конечниот резултат и не беше така убедлив.

Николов во наште редови се издвојуваше со 18 поени, Војдан додаде 13, а двоцифрен беше уште Крстевски со 10. За Литванците Ечодас постигна 18 поени.