ФОТО | Непоканет гостин го шокирал келнерот: Огромна змија Боа пронајдена зад кафемат во локален бар
Необичен случај е регистриран во градот Руан на северозападот на Франција, илјадници километри од Јужна или Централна Америка.
Препорачано
Огромна змија Боа констриктор е пронајдена во локално кафуле, скриена зад машината за кафе. Запрепастениот келнер кој подгтвувал кафе за гостите ја видел змијата и веднаш повикал пожарникари, пренесува „Њузвик“ (Newsweek).
Змијата била брзо фатена и пренесена на безбедно, а повредени нема. Сепак, останува мистерија како се стигнало до кафулето?
Boa constrictor snake found behind coffee machine at local bar https://t.co/mPwAk5gX97
— Lee Cowell (@LeeCowell20) October 10, 2023
„Беше мирна, не реагираше, ниту беше агресивна“, објаснила сопственичката на кафулето Шесилија Хјуни, која објави фотографија од змијата по нејзиното фаќање.
Надлежните сметаат дека се работи за нечие „милениче“ кое побегнало и се изгубило.
Боа констрикторот не е отровен, туку ги убива своите жртви со силно стискање на мускулите, од каде доаѓа и неговото име. Најмногу се храни со помали животни, како гуштери, птици, лилјаци и разни глодари.
Во исто време, тие се популарни меѓу љубителите на егзотични миленичиња, а не е невообичаено луѓето да ги чуваат во своите домови. Повремено змиите бегаат во соседството, а голема е веројатноста таков да бил и случајот во Руан.
