Свечената премиера на новиот филм „Фатен во кражба“ („Caught Stealing“) во Лондон донесе неочекуван момент кој привлече големо внимание на јавноста. Главните актери на филмот, Остин Батлер и Зои Кравиц, се најдоа во необична ситуација кога пчела одненадеж го прекина фотографирањето на црвениот килим.

Додека Батлер и Кравиц позираа пред фотообјективите заедно со режисерот Дарен Аронофски, инсектот налета директно кон актерката. Батлер веднаш реагираше, со што ја оттргна пчелата и овозможи настанот да продолжи без понатамошен инцидент. Овој гест, кој наиде на одобрување и насмевки кај присутните, не е првпат актерот да демонстрира ваква „вештина“.

Уште во мај, на фестивалот во Кан, Батлер се најде во слична улога на „спасител“. Тогаш, на промоцијата на друг филм, тој интервенираше кога пчела налета кон неговата колешка Ема Стоун.

„Фатен во кражба“ („Caught Stealing“) е нов криминалистички трилер во режија на Дарен Аронофски. Во него Батлер го игра Хенк Томпсон, поранешен бејзбол талент кој води скромен живот како шанкер во Њујорк. Сè се менува кога соседот Рас, рок-музичар (го игра Мет Смит), ќе му довери обврска да се грижи за неговата мачка. Наскоро, Томпсон се наоѓа во вртлог на опасни мафијашки пресметки и мора да се потпре на сопствената досетливост за да преживее. Зои Кравиц во филмот го толкува ликот на неговата партнерка, додавајќи емоционална тежина на приказната.

Нов актерски пар во Холивуд? По гласините за нивната романса, Остин Батлер и Зои Кравиц го поминаа викендот заедно