Ѕвездата на кантри музиката Кит Урбан беше забележан за првпат во јавност по веста за разводот со Никол Кидман. Тој пристигна во Херши, Пенсилванија, со приватен авион за настап во Џајант центар. Урбан беше облечен лежерно кога излезе од авионот, носејќи црна маица под сиво сако, црна бејзбол капа и очила за сонце, носејќи ги своите чанти.

Од фотографиите е јасно дека тој повеќе не го носи венчалниот прстен.

Инаку, Никол Кидман поднесе барање за развод, наведувајќи „непомирливи разлики“ и велејќи дека сака да биде главен старател на нивните две ќерки, Сандеј Роуз (17) и Фејт Маргарет (14). Поднесен е и план за родителство од 13 страници, во кој се наведува дека поранешната двојка ќе донесува важни одлуки за девојчињата заедно.

Веста за разделбата по 19 години беше откриена претходно оваа недела. Сепак, извори блиски до двојката тврдат дека разводот не бил одлука на Кидман, туку дека актерката „се обидувала да го спаси бракот“. Според „ТМЗ“, Кит и Никол живеат разделени од летото – Урбан наводно се иселил од семејната куќа и купил друг имот во Нешвил.

„Понекогаш врските едноставно завршуваат“, изјавил неименуван извор за „Пејџ сикс“. Во меѓувреме, додека Урбан е на турнеја, Кидман се обидува да го одржи семејството стабилно. Иако поминува низ болен период, упатените велат дека таа е добро и дека приоритет ѝ е грижата за децата.

Исто така, кружат гласини дека Кит веќе е во врска со друга жена, иако не е познато кога започнала наводната романса.

„Никол не го негира тоа, но сепак е шокирана“, открил упатен извор, додавајќи дека за приказната се зборува низ целиот Нешвил.

ВИДЕО | Кит Урбан го смени текстот на песната посветена на Никол Кидман за време на настапот: Обожавателите го нарекоа ,,ѓубре”