Канадската пејачка Нели Фуртадо, една од најголемите музички ѕвезди од почетокот на 2000-тите, уште еднаш покажа дека не дозволува критиките за нејзиниот изглед да ја поколебаат. На својот настап на фестивалот „Манчестер прајд“ таа испрати силна порака на оние што ја коментираат нејзината фигура.

Фуртадо на сцената се појави во бела маица на која беше насликано „совршено тело“ – со краток топ и мини сукња, а на ременот стоеше натписот „Whoa Nelly“. На задната страна беше насликана истата силуета со тетоважа „Better Than Ever“ (во превод: подобра од кога било), што е и наслов на нејзиниот хит од 2024 година.

Со оваа иронична мода пејачката им порача на сите дека самодовербата и прифаќањето на сопственото тело се поважни од идеалите за убавина што ги наметнува јавноста. Настапот траеше само пет минути, но доволно долго за да ја доведе публиката до транс.

Последниве месеци Фуртадо постојано добива пофалби поради својот „освежувачки став“ кон телесната позитивност.

„Оваа година станав свесна за естетскиот притисок на мојата професија на еден сосема нов начин, но истовремено доживеав ново ниво на љубов кон себе и вистинска внатрешна сигурност“, изјави таа неодамна.

Со повеќе од 45 милиони продадени плочи ширум светот, Фуртадо важи за една од најуспешните канадски пејачки на сите времиња. Таа е и мајка на три деца, но нејзиниот личен живот го чува далеку од очите на јавноста.