Нико Вилијамс, еден од најдобрите фудбалери на шпанската репрезентација во овој момент во изминатиот период е во центарот на вниманието поради неговиот потенцијален трансфер во Барселона.

Фановите на баскискиот клуб не можат да се помират со тоа дека нивниот најдобар фудбалер сака трансфер во Барселона, па така го уништија муралот со неговиот лик и тоа трипати. Првиот вандалски напад се случи на 27 јуни, по што градските власти веднаш реагираа и го обновија.

Но, обидот да се зачува ликот на Нико на ѕидовите на Билбао траеше кратко, само 15 часа подоцна, муралот повторно беше оштетен. По силните реакции на јавноста, властите уште еднаш интервенираа и го вратија муралот во првобитна состојба, но и тогаш не издржа долго.

Атлетик Билбао во конфликт со Барселона поради Нико Вилијамс