Сабрина Карпентер (26) привлече големо внимание со своето појавување на најновата насловна страница на музичкото списание „Ролинг стоун“.

Пејачката позира само во бели чорапи до бедрата и со долги, платинести екстензии што ѝ ги покриваат градите и задникот, клечејќи пред наргиле. Во кадарот се гледа и една бела салонка, а целата сцена остава впечаток на внимателно осмислена естетика.

Во остатокот од фотосесијата, Сабрина носи различни комбинации инспирирани од долна облека – меѓу нив корсети, мрежести чорапи, фустани со шлиц и пастелни тонови.

Фотографирањето се одвивало на цветна ливада, а зад камерата стои познатиот уметнички фотограф Дејвид ЛаШапел.

Карпентер одамна е препознатлива по смелите сценски изгледи, особено за време на нејзината турнеја „Short N’ Sweet“. Шишките и специфичната фризура ѝ станаа заштитен знак.