Откако нивната венчавка на југот на Франција беше прогласена за свадба на годината, Софија Ричи и нејзиниот сопруг Елиот Грејнџ заминаа на луксузен меден месец.

Двојката моментално ужива на Малдиви, а Софија Ричи редовно споделува детали од својот меден месец на социјалните медиуми. Покрај романтичните вечери и филмските вечери на плажа, парот ужива и во велосипедизам и фудбал.

„Елиот не е ни свесен дека играв фудбал во текот на целото средно училиште“, се пошегува ќерката на пејачот Лајонел Ричи пред да објави видео на кое го остава без зборови својот сопруг со своите фудбалски вештини.

Облеката и шминката што ги користи Софија Ричи се распродаваат за неколку секунди, а бројот на нејзините следбеници на социјалните медиуми секојдневно расте. Од венчавката, таа доби повеќе од неколку милиони нови следбеници.

Како потсетување, Софија Ричи се омажи за Елиот Грејнџ, син на музичкиот магнат и директор на „Јуниверзал мјузик“, Лусијан Грејнџ. За време на свадбениот викенд, невестата смени дури три рачно изработени фустани на „Шанел“ – освен венчаницата, имала и краток фустан за журката по свадбата и малку поекстравагантен фустан за пречекот на гостите, кој се случил еден ден пред свадбената церемонија.

ФОТО | Лајонел Ричи ја омажи помалата ќерка: Сменила три венчаници на „Шанел“, а свадбата ја направиле во луксузен француски хотел