ФОТО | На стогодишнината од нејзиното раѓање: Отворен музејот на оперската дива Марија Калас во Атина
Во грчката престолнина Атина денеска се отвора музеј посветен на Марија Калас, која важи за најголемата оперска дива во светот.
Препорачано
Од примерок од нејзината коса до синиот кадифеен фустан што го носеше по незаборавната изведба на Травијата на Верди во 1955 година во миланската Скала, посетителите на Атина сега ќе можат да се восхитуваат на повеќе од 1300 предметите што и припаѓаат на оперската дива Марија Калас, пренесува „Ројтерс“.
Сместен во трикатна неокласична зграда во срцето на главниот град, музејот ги отвора вратите во четврток, период кој се совпаѓа со стогодишнината од рагањето на влијателната пејачка, чиј датум е 2 декември.
Диоптриските очила, костимите и тетратката на Калас што таа ја користела за меморирање на делови од нејзините улоги се меѓу изложените предмети, кои се или донирани или позајмени на музејот.
Скица на дизајн на луксузниот чевлар Маноло Бланик, инспириран од сопранот, кој стана една од најпознатите оперски фигури на 20 век, е донирана од Грчкото друштво „Марија Калас“ заедно со косата што фризерката на дивата ја чувала и продала на аукција.
Марија Ана Сесилија Софија Калогеропулос, оперска дива со грчко потекло, позната во светот како Марија Калас, е родена во Њујорк во декември 1923 година. Таа почина во 1977 година од срцев удар.
