Еден планинар кој пронајде скапоцени камења на Монблан смее да задржи половина од богатството вредно вкупно 150 илјади евра откако властите не успеаја да го пронајдат сопственикот.

Планинарот пронашол смарагди и сафири во Франција во 2013 година, а сега му е дозволено да задржи половина од целиот наод кој експертите за скапоцени камења рамномерно го поделија меѓу планинарот и локалната управа, цоопшти портпаролот на локалниот Совет на Шамони-Монблан за Си-ен-ен. Советот својот дел од скапоценостите ќе го изложи во Музејот на кристали во Шамони.

Како што се додава, скапоцените камења се превезувале со авион на Ер Индија кој се урнал во 1966 година. Во несреќата загинале 117 патиници. Исто така, оваа несреќа е предмет на теорија на заговори според кои летот е соборен оти на него бил индискиот нуклеарен физичар Хоми Џ. Баба.