Победникот на четвртата сезона од шоуто „So You Think You Can Dance“, Џошуа Ален, почина на 36-годишна возраст, потврди неговото семејство за „ТМЗ“.

Во краткото соопштение, семејството ги замоли обожавателите за „молитви и приватност“ во овие тешки моменти. Причината за смртта сè уште не е објавена.

По трагичната вест, бројни пријатели и колеги на Ален се простија од него преку социјалните мрежи.

„Не секогаш ги правеше работите како што другите мислеа дека треба, но токму поради тоа беше победник“, изјави кореографот Имануел Херд, додавајќи дека Џошуа ќе го памети како „неверојатно искрен човек“.

 

View this post on Instagram

 

A post shared by Joshua Allen (@officialjoshuaallen)

Ален имаше само 18 години кога победи во популарниот танцувачки натпревар. По шоуто, се појави и во неколку филмови, меѓу кои „Step Up 3D“ (2010), римејкот на „Footloose“ (2011), како и во една епизода од серијата „American Horror Story“.