Актерот Сергеј Трифуновиќ синоќа околу полноќ беше уапсен на границата помеѓу Србија и Хрватска, односно на граничниот премин Бајаково.

Откако денеска беше сослушан во Општинскиот прекршочен суд во Сплит, каде му беше одземен пасошот, актерот за првпат се огласи на социјалната мрежа Инстаграм.

Имено, Сергеј прво објави фотографија на која се гушка со пријател и напиша:

– О, колку ми недостигаат тие денови кога излегуваш навечер во Лондон на пијачка и се будиш во Мароко – напишал Сергеј, цитирајќи го Питер О’Тул.

Кратко по таа фотографија, актерот реши да се пошегува и објави уште една фотографија на која пишува: „Може ли да ме размените со Северина?“

Инаку, Хрватската полиција излезе со официјално соопштение за случајот со српскиот актер.

„Утврдено е дека постои основано сомнение дека мажот сторил прекршоци по членовите 5 и 17 од Законот за прекршоци против јавниот ред и мир, поради што денеска е приведен во службените простории. На социјалната мрежа Инстаграм, на 10 септември 2023 година, маж објави текст со недолична содржина, со кој и грубо ги омаловажуваше полицијата и полицајците, наведувајќи дека сплитските полицајци изнудиле над 1.000 евра“, стои во соопштението на сплитско-далматинската полиција.

Трифуновиќ повторно казнет во Хрватска: Платил 1.000 евра и една година не смее да влезе во Шенген-зоната