Празникот Успение на Пресвета Богородица има посебно значење за нашата позната водителка и инфлуенсерка Милена Антовска Станковска и нејзиното семејство. На овој голем празник е родена првата ќерка на водителката, Лана Марија, што воедно ги навело и тогаш новите родители да го додадат името Марија на веќе избраното име Лана.

Родендеската прослава помина на отворено во кругот на најблиското семејство и другарчињата на Лана. Забавата беше инспирана од омилениот дизниев лик на најмладите девојчиња – глувчето Мини. Многу балони, закуски, слатки и прекрасна роденденска торта. Забавата беше комплетна благодарение на пантомимичарот Кирил Трајковски – Максим кој се погрижи за најмладите гости.

„Лана Марија вчера наполни 5 години и веќе мисли дека е многу голема. Да ни е жива и здрава и да не радува и секако да не нервира цел живот. Не дека е моја, не дека е наша ама има зошто е родена на еден од најубавите празници, Успение на Пресвета Богородица. Те сакаме“ – напиша водителката во описот на фотографиите од роденденската прослава.

Милена и нејзиноот сопруг Гордан оваа година по втор пат станаа родители. Лана Марија на големиот христијански празник Василица стана доби нова улога како постара сестричка на Јоана која за неколку месеци ќе го прослави својот прв роденден.