ФОТО | Миленкоски пред настапот на ЕП: Момците даваат се од себе, можеме да испишеме нова историја
Maкедонската одбојкарска репрезентација денес одржа прес-конференција во пресрет на Европското првенство на кое ќе играме на домашен терен.
Препорачано
Целта на селекторот Joшко Миленковски и неговите избраници е пласман во втората рунда.
„Момците секој дена даваат се од себе да ја претстават државата во најдобро светло. Ова е најголем настан на македонско тло и можност да ја претставиме нашата држава и нашиот спорт. Желбата е пласман во следниот круг и мислам дека го заслуживме, но зависи и од нашите противници. Поддршката од публиката секако ни е потребна, да покажеме цврст карактер и борба за амбициите. Верувам дека по завршувањето на ЕП ова ќе биде нова историја за нашиот спорт“, изјави Миленковски.
За првпат Македонија на Европско првенство во одбојка играше во 2019 година, шампионат кој исто така се одржа во четири земји, Франција, Словенија, Белгија и Холандија. На тоа првенство ја совладавме Словенија која подоцна се пласираше во финалето.
Европското првенство го завршивме на 17. место од 24. селекции со две победи и три порази во групата. Две години подоцна на Европското 2021 година завршиме како претпоследни на 23. место. Тогаш групата ја завршивме со три порази.
