Фото: EPA-EFE/DAN HIMBRECHTS AUSTRALIA AND NEW ZEALAND OUT

ФОТО | Метју Меконахи сподели шокантна фотографија: Што ти е со окото?

Актерот Метју Меконахи на својот Инстаграм сподели фотографија со многу отечено око и сосема очекувано ги загрижи обожавателите. Имено, актерот го каснала пчела, што предизвикало силна реакција на окото кое било отечено и речиси целосно затворено.

Оваа несреќа многумина ја поврзаа со новиот филм што го снима Метју. Станува збор за криминалистичкиот трилер „Ривалите на Амзија Кинг“ (The Rivals of Amziah King). Иако многу малку се знае за филмот, снимката од сетот го покажува Меконахи со неколку кутии мед. Затоа се шпекулира дека убодот од пчела се случил за време на снимањето на филмот, пренесува „Мирор“ (The Mirror).

Фото: Принтскрин/ Инстаграм

Фотографијата на Инстаграм има речиси 400 илјади лајкови, а многу фанови во коментарите ја изразија својата загриженост.

„Ај, престани“, „Што е ова, дали си добро?“, „Те молам внимавај“, „Ау, што ти е со окото?“, се дел од коментарите. Многумина се пошегуваа на него во коментарите. „Треба да видите како изгледа другиот лик“, „Кога животот ќе ти даде пчела, правиш мед“, напишале неговите следбеници.

Во коментарите се огласија и поранешниот фудбалер Дејвид Бекам, манекенката Синди Крафорд и бројни други ѕвезди.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот