ФОТО | Меланија по долго време се појави со Трамп: Како заљубени тинејџери се гушкаа и бакнуваа во јавност
Меланија Трамп се појави на собир на републиканците каде што Доналд Трамп ја прифати третата републиканска претседателска номинација.
Препорачано
Сопругата на Трамп, која во последно време ретко се појавува во јавноста, се појави во црвена комбинација и со Трамп разменуваа прегратки и бакнежи и се држеа и за рака.
„Длабока чест ми е што мојата неверојатна сопруга Меланија ми се придружи на ова патување. Ти благодарам Меланија и ти благодарам за твоето прекрасно писмо до Америка во кое повикуваш на национално единство. Допре многумина“, ѝ рекол Трамп на својата сопруга од сцената, осврнувајќи се на нејзиното писмо испратено до јавноста по пукањето врз Трамп.
Меланија потоа доби аплауз од салата и со насмевка ги поздрави сите собрани.
Со години има многу шпекулации за врската меѓу Меланија и Трамп. Уште кога беше претседател на САД, се трупаа приказни за наводни тешкотии во бракот, ладни односи, па дури и развод. Ова главно беше поттикнато од нивниот ладен однос пред камерите. Имено, во неколку наврати Меланија беше снимена како да изгледа дека одбива да се држи за рака со Трамп. Сепак, се чини дека за овој настан сепак решиле да покажат блискост.
