Мелани Грифит на својот Инстаграм профил сподели нови искрени фотографии кои предизвикаа лавина коментари. 

63-годишната актерка објави две фотографии на кои позира во розова долна облека, потпрена на работ на голема, мермерна када во својата бања.

Секако, нејзините обожаватели и пријатели беа воодушевени од нејзиниот изглед. Меѓу првите кои коментираа на фотографиите беше Сејми Ли Кертис, а Румер Вилис ѝ напиша „Толку прекрасно изгледаш“.

„Јас се придружувам на „@kitundergarments“ и носам розова боја во чест на „Breast Cancer Awareness“. Носам класичен деми градник во розова боја (големина 32DD) и гаќи со висок струк“, напиша Мелани.

Грифит во минатото се бореше со рак. Во 2009 година, актерката преживеа операција за отстранување на рани фази на рак на кожа на нејзиното лице. За жал, во 2017 ѕвездата претрпе повторна појава на рак на кожата, а како резултат на третманот, ѝ останаа модрники на носот.

„Страшно е кога си актерка и работата ти зависи од лицето. Едноставно, сфаќам дека морам да ставам фластер, и тоа е тоа“, во тој период изјави Мелани.

Мелани е горда мајка на три деца, Дакота Џонсон ќерка од првиот сопруг Дон Џонсон, синот Александар Бауер кој го доби со вториот сопруг Стивен Бауер) и ќерката Стела од бракот со Антонио Бандерас.

Мелани и Антонио се разделија во 2015 година по скоро 20 години брак, но парот останал во добри пријателски односи.

„Мелани повеќе не е моја сопруга, но мислам дека таа е мојата најдобра пријателка. Ја сакам и ќе ја сакам до денот кога ќе умрам. Таа е моето семејство“, изјави Бандерас за магазинот „People“.