Денес заврши доминацијата на Новак Ѓоковиќ на Вимблдон откако Карлос Алкараз по епска битка која траеше скоро пет часа го совлада српскиот тенисер.

На трибините како и во претходните мечеви беше синот на Ѓоковиќ, малиот Стефан кого камерата неколку пати го фати како „тагува“ поради ситуацијата на теренот каде што на Новак не му одеше.

Започна добро Ѓоковиќ откако го освои сетот за 1:0, но Алкараз потоа го подигна нивото на својата игра и гледавме голема борба.

За Алкараз ова беше втора грен-слем титула во кариерата откако претходно го освои УС Опен минатата година и прва на Вимблдон. Ѓоковиќ остана на своите 24 со кои секако е рекордер пред Рафаел Надал кој има 22 и Роџер Федерер 20.