Холивудскиот актер Леонардо Дикаприо го прослави својот 50-ти роденден. Во оваа прилика тој одржа голема забава во својата приватна резиденција во Лос Анџелес, каде што го придружуваа само одбрани имиња од светската елита.

На забавата дојде и Бред Пит, придружуван од неговата девојка Инес Де Рамон. Покрај него, меѓу гостите беа и режисерот Стивен Спилберг, како и актерот Роберт ДеНиро.

Покрај сите нив, на забавата беа и Кети Пери и Орландо Блум, Џејми Фокс, Парис Хилтон, Марк Руфало, Кара Делевињ, Крис Рок, Тоби Мегваер и Џос Стоун.

На оваа роденденска забава присуствуваше и колешката на Дикаприо од Титаник, Кејт Винслет. Заедно со неа, меѓу елитните гости беа и ММА борецот Чак Лидел, Бенисио Дел Торо и Едвард Нортон. Според пишувањата на медиумите, за роденденското момче пеел и легендарниот Стиви Вондер.

Присутно беше и семејството на Леонардо. Неговиот татко Џорџ ди Каприо ја донел сопругата Пеги, додека мајката на Лео, Ирмелин, го донела нејзиниот сопруг Дејвид Вард. На големиот ден на актерот била присутна и неговата 26-годишна девојка Виторија Серети, италијанска манекенка која беше поврзувана со Дикаприо во последните неколку месеци.