Селекторот на ракометната репрезентација на Македонија, Кирил Лазаров денеска го објави списокот на ракометари на кои ќе смета за двата последни натпревари во квалификациите за Европското првенство во 2026 година.

Камбек во репрезентацијата на овој собир ќе има голманот Мартин Томовски кој во изминатиот период беше одличен во германската Бундеслига. Исто така тука е искусниот Гоце Ојлески кој е повикан на местото на Цветан Кузманоски кој се повреди. Шанса за деби на овие натпревари ќе има Мартин Ивановски кого Лазаров се одлучи да го повика поради повредите на Марко Митев и Игор Ѓоргиев.

На 8 мај Македонија ќе игра против Естонија на гостински терен, додека на 11 во Скопје ќе ја пречекаме Литванија.