ФОТО | Криси Тајген во нова сајбер драма: Се извини на сите што ги повредила со своите објави на социјалните мрежи
Криси Тајген сопругата на пејачот Џон Леџенд, која има повеќе од 13,5 милиони следбеници на социјалната мрежа „Твитер“, изјави дека се вратила на социјалните мрежи за да им се извини на сите што ги повредила со своите објави – „Јас бев трол и жалам поради тоа“, напиша ѕвездата.
Препорачано
Во својата објава, манекенката и ТВ водителка се извини за „сајбер булинг“ и призна дека сега „се кае до срж“ заради работите што ги правела.
„Пораснав, бев на терапија, се омажив, родив деца, доживеав загуба и болка, повторно бев на терапија и го искусив живот“, изјави Криси Тиген.
View this post on Instagram
Кога започнала да ги користи социјалните мрежи, како што вели, тоа го правела исклучиво за забава, како и за да насмее некои познати личности.
„Во реалноста бев несигурна, не бев доволно зрела и се наоѓав во свет во кој мислев дека треба да импресионирам странци за да ме прифатат. Бев на „Твитер“ за да привлечам внимание. Она што го пишував го сметав за духовито и безопасно. Мислев дека кога се шегувам на сметка на познати личности, тоа ме прави кул“, продолжи таа.
Но, од тогаш, сфатила дека зборовите имаат последици и дека зад профилите на „Твитер“ стојат вистински луѓе.
„Не напаѓав само некој случаен аватар на „Твитер“, повредував млади жени – некои сè уште беа девојки – кои имаат чувства. Очигледно мислев дека постои некоја невидлива формула за славните што спречува некој кој има повеќе следбеници да доживее болка. Како не сфатив дека моите зборови се сурови? Што ми даде за право да ги пишувам тие работи?“, прашува Криси.
View this post on Instagram
Таа додаде дека едноставно нема оправдување за нејзините „ужасни“ твитови од минатото.
„На многумина од овие луѓе им требаше емпатија, љубезност, разбирање и поддршка, а не мојата подлост маскирана во еден вид неврзан хумор“, напиша таа.
Инаку, Криси Тајген пред еден месец јавно се извини за пораките што и ги испратила на манекенката Кортни Студен пред неколку години, откако таа изјави дека е бинарна личност.
View this post on Instagram
„Го прифаќам нејзиното извинување и ѝ простувам. Но, вистината останува, никогаш не сум чула од неа или од нејзиниот тим приватно. Всушност, таа ме блокираше на „Твитер“. Сакам да верувам дека ова е искрено извинување, но повеќе ми личи како јавен обид да се спасат нејзините партнерства со „Таргет“ и други брендови кои сфаќаат дека нејзината „отвореност“ е лажна“, тогаш напиша Студен.
View this post on Instagram
Тајген наводно испраќала пораки во кои им порачувала на познатите ТВ-личности дека треба да се убијат. Во објава од 2011 година, таа ја исмејувала актерката Линдзи Лохан затоа што имала проблеми со самоповредување.
Оваа недела се појави и друга наводна жртва – Мајкл Костело, кој тврди дека во 2014 година Криси Тајген на „Твитер“ го обвинила за расизам.
Модниот дизајнер, кој има повеќе од 1,3 милиони следбеници на социјалната мрежа „Инстаграм“, објави дека Криси Тагјен формирала мислење за него врз основа на фотошопиран коментар, што во меѓувреме се покажа како неточен, по што беше отстранет. Костело тврди дека Криси му рекла дека неговата кариера е завршена и дека „од тогаш па натаму, сите врати ќе му бидат затворени“.
View this post on Instagram
„Поминав толку непроспани ноќи, размислувајќи како да си го одземам животот. Не гледав поента. Немаше начин да избегнам да бидам мета на моќните елити во Холивуд, кои всушност имаат моќ со еден текст да ти ги затворат сите врати“, пишува тој.
Дизајнерот вели дека уште минатата недела им напишал на семејството и пријателите дека ќе си го одземе животот.
View this post on Instagram
„Како резултат на тоа што ми го направи Криси Тајген во 2014 година, јас не сум добро. Можеби никогаш нема да бидам добро“, истакна тој.
Криси Тајген има 13,5 милиони следбеници на „Твитер“ и беше една од најистакнатите корисници на оваа социјална мрежа, а беше особено позната по нејзините остри критики и преписки со поранешниот американски претседател Доналд Трамп.
