Новиот суперхеројски филм „Thor: Love and Thunder“ од студиото Марвел е продолжение на успешниот филм „Thor: Ragnarok“, а првите фотографии од сетот на овој блокбастер, кој моментално се снима во Австралија, ги воодушевија обожавателите ширум светот.

Имењаците Крис Прат и Крис Хемсворт беа „уловени“ од папараците во целосна воена опрема и костими во кои ќе ги гледаме на големото платно следната година.

Режисер на овој филм е Таика Ваитити, а огромната и моќна продукција ќе остане во Австралија некое време.

Се споменува дека овој филм ќе донесе дури 180 милиони долари за локалната економија и ќе обезбеди 2.500 нови работни места и ќе оствари соработка со повеќе од илјада локални компании.