Крава одгледувана во централна Англија е продадена за 299.000 евра, што е рекорд за нејзината раса и двојно повеќе од досегашниот британски и европски рекорд.

Кравата наречена Пош Спајс, по титулата што ја носеше Викторија Бекам во женската поп-група „Спајс грлс“, е продадена во петокот.

Кравата од расата Лимузин од Шропшир, чие целосно име е Вилоџ Пош Спајс, е потомок на наградувани говеда.

Нејзината мајка Милбрук Џинџер Спајс, исто така именувана по Гери од „Спајс грлс“ го држеше досегашниот британски и европски рекорд поставен во 2014 година.

Би-би-си ја пренесува изјавата на сопственичката Кристин Вилијамс која рекла дека продажбата била „како добивка на лотарија“ и дека крајната цена е „неверојатна“.

За продадената едногодишна крава таа рекла дека е „паметна и полна со стил“, а високата цена ја припишува и на одреден „фактор икс“.

The record breaking cow, named after a Spice Girl, was sold at auction in Carlisle.https://t.co/948JPJpadC

— BBC Radio Cumbria (@BBC_Cumbria) February 4, 2021

   Твитер