Фото: Инстаграм/Мина Наумовиќ/Огњен Амиџиќ

ФОТО | „Коса како за во прво одделение“: Огњен Амиџиќ ја објави првата фотографија од синот Перун

Српскиот водител Огњен Амиџиќ и неговата сопруга Мина Наумовиќ пред неколку дена станаа родители на нивното прво заедничко дете.

Како што пишуваат српските медиуми, Наумовиќ се породи во саботата (9 март) и на свет донесе здраво машко дете.

Среќната двојка одлучи да му го даде името Перун, инспирирано од врховниот бог во словенската митологија и бог на громот.

Водителот и неговата сакана денеска ја споделија првата фотографија од нивниот син на социјалните мрежи.

„Коса како за тргнување во прво одделение. Најјака модна комбинација и детска опрема. Нова димензија во потсетниците на мобилниот телефон и во животот.

Ви благодариме за сите убави зборови“, напишаа тие на Инстаграм.

Фото: Инстаграм/Огњен Амиџиќ

Да потсетиме, првите гласини за врската меѓу Огњен Амиџиќ и Мина Наумовиќ се појавија минатата година, а кратко потоа тие потврдија дека се заедно.

„Да, точно е. Во врска сме, но ние се договоривме дека ќе ја зачуваме приватноста за нас и дека нема да зборуваме за тоа“, изјави тогаш Амиџиќ за „Република“.

Инаку, Наумовиќ го водеше сегментот „Пази Мина“ во емисијата „Амиџи шоу“, која е долгогодишен проект на Амиџиќ.

Ова му е биде второ дете на водителот, кој во првиот брак со манекенката Данијела Димитровска го доби синот Матеј. Тие беа заедно нешто повеќе од 10 години, а се разделија пред две години.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот