Српската пејачка Ана Ѓуриќ, попозната како Констракта, на Инстаграм ѝ упати кратка порака на хрватската пејачка Северина Вучковиќ, која српската полиција ја приведе на разговор додека ја минувала границата.

„Убаво зборува Северина“, напиша Констракта на својата инстаграм-приказна и додала емотикон со срце.

Северина ја споделила објавата на Констракта на својот инстаграм-профил.

Потсетуваме, Северина Вучковиќ била задржана и однесена во српската полиција при минување на границата поради, како што пишуваат српските медиуми, „спорните изјави“ што ги давала во јавноста.

Северина во текот на вчерашниот ден се огласи по повод испитувањето од страна на српската полиција.

„На испитувањето почнаа да ми поставуваат прашања што мислам за Сребреница, за „Олуја“, зошто ги поддржував демонстрациите против ископувањето на литиумот и напишав дека ова е Србија што ја сакам. Се осврнаа и на Јасеновац, а стигнаа и до Туѓман. Треба ли да кажам дека полицаецот, во негови 30-ти, постојано се обидуваше да ми објасни дека само си ја вршел работата, затоа што јас сум јавна личност и имам општествено влијание, па ете…“, рекла Северина.

„Никогаш повеќе нема да дојдам во Србија додека овој не си замине од власт. Сите добро знаеме кој е тој“, додала Северина.

Објавено зошто на Северина ѝ е одземено старателството: Пејачката веднаш испрати отворено писмо до Врховниот суд

Александар Вучиќ за случајот со Северина: „За неа мислам сè најлошо!“