На 5 март 2025 година се навршија 10 години откако нѐ напушти еден од најзначајните музички автори од Балканот, најголемиот и ненадминливиот, Влада Дивљан. Во негова чест, на 7 март, неговите пријатели, заедно со останатите членови на оригиналниот бенд на Влада, но сега како „НеВладина Организација“, одржаа концерт наречен „САМО ЕДНА ЉУБОВ ИМАМ“ во Виена, во големата сала на културната установа „ВУК“.

Ова беше премиерен концерт на турнејата што овој состав ќе ја има низ целиот Балкан, а која симболично започнува во градот каде што Влада Дивљан живееше и создаваше од јуни 1999 година до крајот на животот. На концертот бeа изведени песни од сите периоди на кариерата на Дивљан, најголемите хитови на групата „Идоли“, како и многу други песни кои веќе одамна се дел од колективното сеќавање на сите генерации на Балканот.

„Сите танцувавме и пеевме во ритамот на музиката создадена од вечниот дечко, нашиот драг Влада Дивљан“.

Култната установа за култура „ВУК“ беше преплавена со емоции додека се редeа легендарните хитови „Она то зна“, „Малена“, „Однеси ме“, „Само една љубов имам“ „Ретко те виѓам са девојкама“, „Пластика“, „Маљчики“, „Небеска тема“, „Русија“, „Док добује киша“, „Девојко мала“, „Она то зна“, „Патуљци“, „Водим те на море“…, и многу други песни од богатиот опус на Дивљан, кои присутните ги пееја заедно со неговите најдобри пријатели Зденко Колар, Александар Шанторов, Борис Буњец и Марко Миливојевиќ, заедно со помладите членови Дамјан Дашиќиќ и Марко Чалиќ.

Специјален гост на концертот беше Констракта, која изведе неколку песни на Влада Дивљан.

Со својот уникатен вокал, Констракта даде посебен тон на оваа вечер, успевајќи да го оживее вoнвременското дело и трудот на нашиот Влада Дивљан.

„Ова беше премиерен концерт на турнејата што овој бенд ја очекува во наредниот период. Следни се Белград и Загреб, а Виена синоќа покажа колку го сака Влада“, истакнаа од Српскиот центар во Виена.