Предмалку вистинска мешаница настана на паркингот зад клубот „Валијант“ во центарот на Скопје, откако еден возач кој заминал во клубот, својот џип со скопски таблички, го оставил среде улица, со запалени четири трепкачи, создавајќи зад себе колона од возила кои не можат да излезат од овој паркинг, дознава Слободен печат.

Нервозните возачи свиреле и излегувале од автомобилите во очекување да се појави набрзо дрскиот возач кој не се паркирал прописно со што блокирал 20-тина возила кои се обидувале безуспешно да излезат од овој паркинг кој е најскап во Општина Центар.

Имено, тука паркирањето во траење од еден час чини 250 денари.

Откако после 20-тина минути се појавил несовесниот возач, избегната е тепачка со револтираните возачи кои чекале во редот да излезат надвор.