Лурд Леон, ќерката на Мадона, беше во центарот на вниманието на ревијата на Марк Џејкобс во Њујорк. Таа носеше фустан со големи отвори, кој малку остави на фантазијата.
Изгледот го комплетираше со накит, отворени штикли и чанта. Таа се одлучи за едноставна шминка и благо навиткана коса, пишува „Дејли мејл“. 

На споменатиот моден настан пристигна со музичарката Александра Дручин, попозната како Eartheater.

Ќерката на Мадона одамна го привлекува вниманието со своите смели тоалети. Во февруари минатата година носеше креација на ревијата на Луис Де Хавиер на модната недела во Њујорк. Прошета по пистата во тесен мини фустан со ѓаволски рогови на него.

Бројни корисници на социјалните мрежи сметаат дека таа не требало да учествува на овој моден настан кој, како што тврдат, е промоција на сатанизмот.

Мадона ја доби Лурд во 1996 година со актерот Карлос Леон. Двојката се раздели седум месеци по нејзиното раѓање. Тие останаа во добри односи.