Познатиот холивудски пар, кој минатиот месец ја прослави 24-годишнината од бракот, повторно продефилира на црвениот тепих во Саудиска Арабија.

Откако го одбележаа свеченото отворање на Меѓународниот филмски фестивал „Црвено Море“, славните Кетрин Зета-Џонс и Мајкл Даглас повторно се појавија на црвениот тепих минатиот петок – овој пат како дел од манифестацијата „Жените во киното“.

И додека Даглас се одлучи за црн костум и соодветна кошула, велшката убавица воодушеви во фустан од цветна тантела со црна боја, истакната на светкава ткаенина во боја на шампањ.

Оваа раскошна креација е потпишана од брендот „Marchesa“ на дизајнерката Џорџина Чепмен – поранешна сопруга на осудениот холивудски предатор Харви Вајнстајн.

Претходно Кетрин го отвори филмскиот фестивал во Џеда во исто толку прекрасен фустан, а за оваа ефектна креација на 55-годишната актерка се погрижи дизајнерката Мармар Халим.