Британската манекенка Кара Делевињ (31) и нејзината девојка, пејачката Минки (31), ја прославуваат втората годишнина од нивната љубовна врска.

„Две магични години со тебе и толку многу фотографии на кои се бакнуваме пред различни нешта. Последните две години ми беа исполнети со многу живот. Доживеав многу промени, раст, болка и најважно – љубов. Многу сум среќна што ја најдов совршената личност, која е тука за мене и во добро и во лошо. Не можам да си го замислам животот без тебе. Долго време ја барав мојата сродна душа, но не ни претпоставував дека е некој со којшто одев заедно на училиште. Сакам да издржиме уште многу години…“, напиша Делевињ во описот на нејзината последна објава, посветена на нејзината партнерка.

Да потсетиме, Делевињ, која се декларира како пансексуална личност, односно личност која може да биде привлечена од луѓе од кој било пол, првпат беше поврзана со Минки, чие вистинско име е Леа Мејсон, во јуни 2022 година.

Потоа манекенката ја потврди врската, со тоа што сподели дека тие две го прославиле Денот на вљубените на скромен начин, во домашна атмосфера, пишува „Пејџ сикс“.

Инаку, многу од обожавателите на Делевињ се радосни што таа е во среќна љубовна врска и што делува здраво, особено по нејзината долгогодишна борба со зависноста од дрога и алкохол.

Во интервју за британското издание на списанието „Ел“, таа изјави дека е постабилна и помирна откако не консумира алкохол. Исто така, минатата година таа отиде на рехабилитација поради злоупотреба на супстанции.

ФОТО+ВИДЕО | Кара Делевињ за зависноста: Првпат се опив на 7 години во куќата на баба ми