На крстосницата од улиците „Водњанска“ и „Елисие Поповски-Марко“ спроти скопскиот Клинички центар „Мајка Тереза“, со месеци е отворена огромна дупка на коловозот, вистинска „замка“ за возачите.

На фотографиите кои ги објави „Вечер“ се гледа врвен пример за нашата „досетливост“ во ситуациите кога затајуваат градските или државните служби: непознат возач, веројатно револтиран откако со возилото налетал на опасната дупка, зел една од општинските канти поставени во близина и ја ставил исправена во дупката, за да ги предупредува другите возачи.