Францускиот актер Венсан Касел (56) бил фотографиран со новата девојка, 27-годишната бразилска манекенка Нара Баптиста, на плажа во еден од најубавите бразилски градови – Рио де Жанеиро.

Како што може да се забележи на фотографиите, новата двојка се забавувала на даска за сурфање.

За нивната љубовна врска веќе некое време се зборуваше во таблоидните медиуми, а фоторепортерите сега ја потврдија романсата.

На почетокот на годината, Касел се раздели од сопругата, 26-годишната манекенка Тина Кунаки.

„Тие живеат одвоено со недели. Тина е скршена“, изјави тогаш извор за британски таблоид.

Заедно ја имаат четиригодишната ќерка Амазонија.

Наводно, актерот се зближил со новата партнерка откако започнале комуникација на Инстаграм, па почнале да се гледаат во Рио де Жанеиро.

Нара Баптиста е родена во Бразил, а на 18-годишна возраст се преселила во Квинсленд, Австралија. Во 2020 година, таа беше финалистка на австралискиот натпревар за Мис на универзумот. После тоа потпишала договор со модна агенција од Бризбејн, Австралија а потоа се преселила во Бразил.

Претходно, Касел беше во брак со италијанската актерка Моника Белучи (59). Со неа има две ќерки, 19-годишната Дева и 13-годишната Леони.

ФОТО: Бившиот сопруг на Моника Белучи ужива со 23-годишната манекенка на плажа во Бразил