Британската дизајнерка Стела Макартни откако цврсто зачекори во светот на модата основајќи сопствена модна марка уште во 2001 година, таа избегнува користење на животинска кожа и крзно во колекциите. За Макартни отсекогаш предизвик биле алтернативни решенија за материјали кои ќе го задоволат вкусот и на најпребирливите клиенти.

 

View this post on Instagram

 

A post shared by Stella McCartney (@stellamccartney)

Новата чанта „Ес-вејв“ на Макартни е меѓу првите парчиња од брендот, коешто користи материјал направен од лушпи од грозје. Ова може да доведе до широко распространета и одговорна потрошувачка на рециклирани и биоразградливи производи.

 

View this post on Instagram

 

A post shared by Stella McCartney (@stellamccartney)

„Кога ја пронајдов оваа опција со остатоците од грозје, бев многу возбудена, бидејќи не само затоа што се набавува во близина, од винарии блиску до местото каде што се рачно изработени нашите додатоци, туку му дава и втор живот на отпадот“, изјави Макартни за списанието „Мери Клер“.

 

View this post on Instagram

 

A post shared by Stella McCartney (@stellamccartney)

Изумот е резултат на долгогодишно истражување и развој, еден од повеќето новотестирани материјали без животински состојки, т.е. ги заменува досега вообичаените кожа и крзно. Љубителите на вино знаат оти сокот од грозјето се цеди до последната капка. Остатоците од грозјето потоа може да се користат за други материјали. Кога тие се комбинираат со други состојки, како што се природните влакна, резултатот е – нешто налик кожа, само добиена од грозје.

 

View this post on Instagram

 

A post shared by Stella McCartney (@stellamccartney)

Според Саманта Муро, основач на „Планет оф д грејпс“ (Planet of the Grapes) – компанија којашто развива и произведува кожа од грозје, ова е процес кој сè уште е во развој. Процесот вклучува собирање на цврстите остатоци од грозјето, нивно ситнење и истурање на цврстиот материјал. Ова е слично на производство на хартија.

 

View this post on Instagram

 

A post shared by Stella McCartney (@stellamccartney)

Експериментирањето со разни видови грозје и различни начини на производство значи дека производот постојано се подобрува.

Со новиот дизајн, се чини, дизајнерката е на добар пат растенијата да ги претвори во „најмоќната состојка во модата“. Новата „Ес-вејв“ чанта е елегантна и со меки рабови, со метално копче во облик на „S“. Дизајнерката Мекартни вели дека инспирацијата ја црпи од минимализмот од 90-тите, комбинирајќи ги класичните облици со иновативните, нови материјали.