Група луѓе од Чачак ја создале заедницата „Чачак низ времето“ (Čačak kroz vreme) на Фејсбук со речиси 15.000 членови.

Таму се разменуваат стари фотографии и видеа за стари објекти, обичаи, луѓе… Една фотографија го привлече вниманието на Петар Пеца Поповиќ, новинар и музички критичар.

Пеца Поповиќ искрено трогнат кога ја видел фотографијата со Бора Ѓорѓевиќ во фејсбук-групата „Чачак низ времето“ (Čačak kroz vreme), за која не ни знаел дека постои.

Фотографијата го вратила назад во времето, потсетувајќи го на таткото на Бора, кој обожавал да фотографира со својот стар рачен фотоапарат. Фотографијата настанала веднаш откако младиот Бора Ѓорѓевиќ со новостекната гитара ги покажал своите вештини, кои уште тогаш навестувале иден музички великан. Инаку, Бора Ѓорѓевиќ тогаш имал девет години.

– Некој ми ја препрати оваа фотографија од фејсбук-профилот „Чачак низ времето“, која ја следи идејата „да зачуваме некои спомени кои со текот на времето ни го одбележале животот…“. Ме врати во една есен пред 63 години. Дворот на баба Милева. Таткото на Бора Драгољуб сакаше да снима со својот руски фотоапарат. Мајка ми Љуба го прегрна својот сакан внук кој претходно ѝ покажа што знае на штотуку добиената гитара за деветтиот роденден и мене во првиот пар фармерки купени во комисионот на улицата „Нушиќ“ – напишал Пеца Поповиќ на својот фејсбук-профил.

Да потсетиме, легендарниот рокер Бора Ѓорѓевиќ, фронтменот на групата „Рибља чорба“, почина на 4 септември на 72-годишна возраст.