Фудбалската репрезентација на Македонија вчера славеше победа против Ерменија и така на најдобар можен начин го заврши октомврскиот циклус.

Македонија има 10 бода и е на првата позиција, додека Ерменија и Летонија имаат по четири. Фарските Острови освоија три бода.

Наш најдобро оценет играч во вчерашниот натпревар беше играчот од средниот ред Исник Алими кој го одигра својот најдобар натпревар откако е во репрезентацијата.

Алими доби оценка 8.8 и таа ја заслужи со голот за потврда на победата и асистенцијата за Бојан Миовски. Зад него беше голманот Столе Димитриевски со 8.0.