Американскиот актер Харисон Форд бил исклучително вознемирен откако бил принуден да се евакуира поради шумските пожари што го опустошија Лос Анџелес.

Вчера тој бил забележан како го паркира својот автомобил пред неговата населба Брентвуд. Во еден момент влегол во полициско возило кога полицијата наводно го вратила во неговата куќа за да провери во каква состојба е неговиот луксузен дом, кој го купил во 2011 година за 12,6 милиони долари.

Откако полицијата го вратила во безбедно место, Форд се појавил уште позагрижен и им се придружил на своите соседи кои, исто така, биле евакуирани од нивните домови.

Harrison Ford talks to cops while trying to reach Brentwood home as Palisades Fire tears through Los Angeles https://t.co/H9nr0QXHYv pic.twitter.com/JtC5qlQpKG

— New York Post (@nypost) January 9, 2025

Се чини дека славниот „Индијана Џонс“ избегал со празни раце од огнот во погодената област за време на задолжителната евакуација. Актерот бил виден во фармерки, темна маица и капут, а со него не биле неговата сопруга Калиста Флокхарт и децата . На доделувањето на наградите „Златен глобус“ тој откри дека неговата сопруга била во Њујорк поради работа.

Голем број познати личности се соочуваат со огромни загуби бидејќи нивните куќи од милион долари се изгорени до темел во пожар, а омилените ресторани на богатите и славните се целосно уништени.