Империјата на сопственикот на српската телевизија Пинк, Жељко Митровиќ, одамна престана да биде само телевизиска империја. Откако пред три години ја купи најскапата куќа во Белград за 4,5 милиони евра, тој веќе ја гради новата семејна куќа, пишува српскиот медиум „Нова“.

Оваа гигантска градба е подигната на местото на стара предвоена вила, поранешна сопственост на контроверзниот бизнисмен Станко Суботиќ, кој незаконски беше ослободен од обвиненијата за шверц на цигари во деведесетите години.

Тоа што Митровиќ во 2019 година стана сопственик на најскапата куќа не ја изненади премногу јавноста, тој години наназад го ужива угледот на водечки даночен должник во Србија.

„Куќата на улица Ужичка е продадена за четири и пол милиони евра“, соопшти Републичката геодетска управа во редовниот извештај во март 2020 година, истакнувајќи дека „оваа улица, која со децении се смета за симбол на моќ, богатство и влијание, е очигледно сè уште е една од најатрактивните локации во Белград“.

Судејќи по новоизградената гигантска градба, која успеа да го смени вековниот изглед на најзелената точка во поширокиот центар на Белград, сите стари објекти кои биле на парцелата морало да бидат срушени.

И покрај тоа што вчера беше Ден на државноста во Србија, репортерите на „Нова“ ги затекнале градежниците како работат со полна пареа. Дека куќата е огромна најдобро говори фактот дека со голо око е невозможно да се процени колку квадрати би можела да има. Засега се гледаат приземјето и првиот кат, но очигледно е дека изградбата ќе продолжи.

На овој линк можете да погледнете како изгледа изградбата на новата куќа на Жељко Митровиќ.