Илон Маск почна да тренира за пресметката со Марк Закерберг. Се подгреваат гласините дека сопственикот на „Твитер“ и сопственикот на „Фејсбук“ ќе се тепаат во кафез.

Лекс Фридман, информатичар и поткастер со црн појас, му помага на Маск во обуката. Лекс на Твитер објави фотографии од тренингот и го пофали Маск.

„Одработив импровизиран повеќечасовен тренинг со Илон Маск. Исклучително сум импресиониран од неговата сила, моќ и вештина, на нозе и на земја. Беше епско“.

„Навистина е инспиративно да се видат Илон и Марк како се занимаваат со боречки вештини, но мислам дека е многу подобро ако тренираат боречки вештини, но не и да се борат во кафез. Плус, како што вели Илон… Најверојатниот исход е најзабавниот… Јас сум тука за нив без разлика на сѐ“, напиша тој.

I did an impromptu training session with @elonmusk for a few hours yesterday. I’m extremely impressed with his strength, power, and skill, on the feet and on the ground. It was epic. It’s really inspiring to see Elon and Mark doing martial arts, but I think the world is served… pic.twitter.com/cq00A9Xnmw

— Lex Fridman (@lexfridman) June 27, 2023

Сѐ започна со еден твит, во кој еден твитерџија напиша за нова апликација со која „Фејсбук“ сака да му конкурира на „Твитер“, а Маск се вклучи во дискусијата со негативен коментар.

„Бидете внимателни бидејќи слушнав дека Закерберг тренира џиу џицу сега“, му напишал еден твитерџија, на што Маск одговорил: „Јас сум за борба во кафез, ако е и тој“.

На Закерберг не му требаше многу време да одговори на неговиот предизвик. Набрзо на Инстаграм објави стори со скриншот од предизвикот на Маск, со тескст: „Испрати ми ја локацијата“, што е познатата реченица на легендарниот ММА борец Хабиб Нурмагомедов.

Маск го предизвика Закерберг на тепачка во кафез, сопственикот на Фејсбук му одговори „Прати локација“