Фото: Инстаграм/Селена Гомез

ФОТО | „Идна невеста“: Селена Гомез сподели фотографии од моминската забава во Мексико

Селена Гомез им приреди пријатно изненадување на своите обожаватели споделувајќи фотографии од своето моминско патување во Кабо Сан Лукас, Мексико, пред свадбата со вереникот Бени Бланко.

Музичката ѕвезда и актерка, која во декември 2024 година ја објави свршувачката со познатиот продуцент, беше во друштво на најблиските пријателки. Гомез објави серија фотографии и видеа од забавата покрај море – во бел мини-фустан, костим за капење со чипка и вел со натпис „идна невеста“ (на англиски: bride to be). Декорациите во вилата вклучуваа балони со пораки „Госпоѓа Левин“ и „Невеста“.

Фото: Инстаграм/Селена Гомез
Фото: Инстаграм/Селена Гомез

Освен фотографии на која е самата таа, Гомез сподели и групни моменти: крстарење со брод, заедничко вечерање на плажа со свеќи, гледање на филмот „Расипувачи на венчавки“ (Wedding Crashers) под отворено небо и танцување со маријачи бенд.

Фото: Инстаграм/Селена Гомез
Фото: Инстаграм/Селена Гомез
Фото: Инстаграм/Селена Гомез
Фото: Инстаграм/Селена Гомез
Фото: Инстаграм/Селена Гомез

Снимката од забавата беше проследена со песната „Teenage Dream“ на Кети Пери, која токму Бени Бланко ја напиша и продуцираше.

Додека Гомез славеше во Мексико, нејзиниот вереник Бени Бланко го имаше својот момачки викенд во Лас Вегас. Тој сподели фотографии од свечена вечера со панорамски поглед кон градот, релаксација во спа, дегустација на кавијар, како и снимка со готвачот и актер Матy Матесон, кој се приклучи на прославата.

Гомез и Бланко се свршија по повеќе од една година врска, а прстенот што го доби пејачката е изработен по нејзин дизајн – со марквиз дијамант инспириран од нејзината песна „Good For You“.

„Никогаш не сум била посигурна во нешто,“ изјави Гомез неодамна, додавајќи дека двајцата со нетрпение ја очекуваат свадбата и наскоро ќе се посветат на деталното планирање.

Почнаа подготовките: Откриени детали за долгоочекуваната свадба на Селена Гомез и Бени Бланко

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот