Турската актерка Мерјем Узерли (40), која стекна светска популарност со улогата на Хурем во телевизиската серија „Величествениот султан“ („Muhteşem Yüzyıl“), вчера го прослави третиот роденден на ќерка ѝ Лили Кои.

Узерли, која е мајка и на 10-годишната Лара Јемима, ѝ организираше бајковита тематска забава на малечката Лили Кои со нејзините омилени ликови од руската анимирана серија „Маша и медо“ („Маша и Медведь“). Актерката, исто така, се облече како ликот на Маша и сподели неколку фотографии од роденденската прослава.

„Мое срце, среќен роденден. Сите ние те сакаме многу“, напиша актерката во описот на фотографиите, на кои позира заедно со нејзините родители и сестра ѝ.

Инаку, Узерли ја доби првата ќерка со актерот Џан Атеш, кој инсистирал таа да абортира. Сепак, актерката била доследна на својата одлука да стане мајка и во 2014 година ја роди ќерката Лара Јемима.

Што се однесува до нејзината втора ќерка, актерката никогаш не го откри идендитетот на таткото на Лили Кои.

ФОТО | Хурем Султан го прослави својот 39-ти роденден: Роденденската торта кажува нешто друго