Брачно-актерската двојка Кетрин Зета Џонс (53) и Мајкл Даглас (78) не можеле, а да не бидат забележани додека излегувале од ресторан во Портофино.

Зрачејќи со безвременска елеганција, Кетрин воодушевила во виолетов макси фустан со цветен принт кој ја истакнал нејзината вита фигура. Филмската ѕвезда додала и италијански гламур со тоа што се одлучила за црни и беж еспадрили на платформа, виолетови очила за сонце и долги обетки во боја на лаванда.

Шик стајлингот го комплетирала со црна чанта „Шанел“ и алки.

Двете филмски икони измешани со толпата туристи, но модерно координирани, го донеле холивудскиот гламур на улиците на едно од најомилените италијански летувалиша.

Тие биле придружувани од група пријатели додека се движеле од ресторанот до пристаништето каде што требало да се вратат со водно такси назад до нивната јахта.

Мајкл  ѝ парирал на својата сопруга удобно облечен во темносина кошула, бели панталони и црни мокасини. Неговиот минималистички морнарски стил, веруваме, ќе биде нешто што многу мажи ќе сакаат да го копираат ова лето.