Наполи после 33 години повторно е шампион на Италија, вкупно трета во историјата за клубот од Неапол.

Македонскиот репрезентативец Елиф Елмас и неговите соиграчи предводени од тренерот Лучијано Спалети пет кола до крајот на сезоната во Серија А ја слават шампионската титула.

Елмас е вториот фудбалер од нашата земја кој успеа да дојде до Скудетото, првиот Македонец кој го направи тоа беше Горан Пандев во 2010 година со екипата на Интер.

Пандев му честиташе на својот поранешен репрезентативен колега:

– Честитки. Секоја чест бато нека се множат – стои во објавата на Пандев на „Инстаграм“.

Честитки до нашиот фудбалски „дијамант“ за освоената титула доаѓаат од сите страни, се огласија и од Фудбалската федерација на Македонија: „Имаме наш Шампион во Серија А“.