Протестот на булеварот „Партизански Одреди“ за смртта на 22-годишната Фросина Кулакова продолжи кон Собрание, потоа се упатија кон Јавното обвинителство и заврш пред Кривичниот суд.

Граѓаните кои беа собрани на местото каде што вчера животот го загуби Фросина запалија свеќи, оставија цвеќе и побараа правда и одговорност.

„Скапана држава“, цвеќе и свеќи – дали институциите направиле фатална грешка за смртта на Фросина?

Дел од нив дојдоа со транспаренти „Сите одиме кај ист судија, а таму има само една правда“, „Обвинители = соучесници убијци“, „Не е несреќа, туку убиство“, „Не е кобно местово, туку луѓето и системот“, „Без казна и вашите раце се крвави“…

На Васил Јованов, 20-годишникот кој вчера ја прегази 22-годишната Фросина Кулакова, му е одреден триесет дневен притвор. Тој возел пијан, без возачка дозвола со 130 километри на час и поминал на црвено.