Неколку десетици граѓани и денеска, трет ден по ред, ја блокираа крстосницата од булеварите „АСНОМ“ и „Србија“ во скопската населба Аеродром, барајќи решение за постојаното загадување од дивата депонија „Вардариште“, во чија непосредна близина живеат.

Депонијата летово повеќепати гореше, а жителите на околните блокови немаа струја со часови поради пожарите. Граѓаните велат дека голем број од нивните деца се со астма и други респираторни проблеми како последица од постојаното загадување. Бараат надлежните веднаш да преземат мерки и овој проблем да се реши.