Почна 77. Филмски фестивал во Кан, една од најважните и најпрестижните манифестации во светот на кинематографијата. Златната палма е синоним за квалитет, а покрај парадата на одлични филмови, секоја година имаме можност да уживаме во врвната елеганција и отменост на славните убавици на црвениот тепих.

Холивудската дива, Џејн Фонда (86) ги воодушеви сите кога синоќа се појави на отворањето на фестивалот. Оскаровката за оваа пригода избра облека која е совршена, а нејзиниот изглед ги засени многу помладите колешки.

Легендарната Фонда покажа дека годините за неа се само занемарлива бројка, бидејќи животот го живее во потполност.

Овој пат Џејн блесна во црн комбинезон кој беше украсен со накит. Многумина забележаа дека овој пат избрала доза на француски шик, кој го прикажа со фризура во стилот на вистински Французинки.

Џејн позираше во ласкав стајлинг, а сите погледи беа вперени во накитот што ѝ беше нанижан на пределот на стомакот и околу половината. Тука е и везот од низата шарени цветови, кои даваа посебна доза на шарм.

Преку овој гламурозен комбинезон, Џејн наметнала на рамениците впечатливо жолто-црно палто со леопард принт.

Таа ја свиткала косата во неправилни бранови и на тој начин постигнала вистински француски изглед. А севкупниот изглед го дополнила со интензивен црвен кармин.

Џејн изгледот го комплетирала со пар сребрени потпетици и комплет накит од „Помелато“.

Нејзиното појавување на фестивалот доаѓа откако таа блесна во сличен стајлинг на 19-тата годишна гала на музејот Хамер во Гарден во Лос Анџелес, исто така овој месец.