Полициски сирени одекнуваат вечерва во скопската населба Карпош 4, кај трговскиот центар „Антико“, а според првичните информации кои ги објавија неколку медиуми, се случила тепачка во која учествувале повеќе луѓе.

Според „Макфакс“, станува збор за физичка пресметка која избила откако дете било удрено од автомобил. Неофицијално, има повредени, a интервенирале и екипи на Итната медицинска помош.

Повеќе полициски автомобили и дузина полицајци со моментов се на местото на кое се случил инцидентот. Засега нема официјални информации од МВР за тоа што точно се случило.