Пожарникарите вo Ново Мексико не успеаја да го изгасат најголемиот шумски пожар во САД, што се приближува до планинските села.

Поради пожарот илјадници луѓе од долината Мора, околу 60 километри североисточно од Санта Фе, се подготвуваат за евакуација.

– Силниот ветер го разнесува жарот на повеќе од 1,5 километри и го шири пожарот што на 6 април изгоре 303 квадратни километри од планината Сангре де Кристо, уништувајќи стотици домови и згради. Изгледа многу страшно. Со оглед на брзината на ширење, за нас е многу тешко да постигнеме каква било контрола на пожарот, изјави командантот на силите за помош при природни катастрофи Карл Швопе.

Пожарникарите предупредуваат дека денеска ќе има ветер од јужен правец и оти огнот ќе се шири кон селото Мора, кое има 14.000 жители, како и кон градот Лас Вегас.

Експертите наведуваат дека шумите и долините се суви поради екстремната суша која трае повеќе од две децении.

My hometown in New Mexico is on fire someone please help! #PrayfroNM #CalfCanyonFire #HermitsPeakFire #somonehelp pic.twitter.com/K6tgvgour2

— Amberlynn (@AmberRandumb) April 30, 2022