На социјалните мрежи се шири фотографија од синот на норвешката принцеза Мете-Марит, Мариус Борг Хоиби, кој заврши во притвор на почетокот на август, откако беше пријавен од 20-годишна девојка која тврдеше дека Мариус „ја нападнал психички и физички“ и дека била хоспитализиранa поради потрес на мозокот.

На фотографијата Мариус позира со пиштол и пијалaк во рацете, гол до половината, а во панталоните ставил мноштво банкноти.

Да потсетиме, 27-годишниот Мариус е син на Мете-Марит од првиот брак, а идниот крал, принцот Хакон, е негов очув. Тој завршил во притвор по пријавата за насилно однесување во ноќните часови во стан во Осло, а следниот ден бил пуштен од притвор.

Откако норвешките медиуми ја објавија веста за инцидентот, се огласи една од неговите поранешни девојки, поранешниот модел на „Плејбој“, Џулијан Снекештад. Таа изјави дека и психички и физички ја малтретирал додека биле во врска.

„И да одговорам на вашите сомнежи: да. И претходно бев изложена на неговото психичко и физичко насилство. Психичкото насилство за мене беше најбрутално. Не го споделувам ова затоа што сакам сожалување или фокусот да се префрли на мене… Тоа веќе се случуваше. И тој сега мора да биде запрен“, напишала таа на Инстаграм.

Маркус преку својот адвокат објави изјава во која ја призна вината и ѝ се извини на девојката. Тој наведе дека тогаш бил во алкохолизирана и дрогирана состојба и објасни дека се борел со зависноста, како и дека „има неколку психички нарушувања“.

– Минатиот викенд се случи нешто што не смееше да се случи. Во станот во алкохолизирана состојба по расправија и кокаин извршив телесни повреди и уништување на предмети. Имам неколку психички нарушувања, што значи дека во текот на растењето и возрасниот живот имав, и сè уште имам, големи предизвици. Долго време се борев со злоупотреба на опојни супстанции, поради што се лекував во минатото. Сега ќе продолжам со овој третман и ќе го сфатам многу сериозно – рекол тој, додавајќи дека сака да одговора за она што го направил.

Синот на норвешката принцеза заврши во притвор: Нападнал жена, таа добила потрес на мозокот