ФОТО | Го обвинуваа дека е канибал, сега снима во Хрватска: Холивудскиот актер објави фотографија од Загреб
Арми Хамер, актерот познат по филмот „Повикај ме со твоето име“ (Call Me by Your Name), доживеа пропаст на кариерата кога неговата поранешна девојка го обвини за силување и за ментална, емоционална и сексуална злоупотреба во 2021 година. Таа подоцна тврдела и дека Хамер имал канибалистички нагони и дека сакал да ѝ го скрши реброто, да го испече на скара и да го изеде.
Препорачано
– Тоа беше смрт на моето его, смрт на мојата кариера – рекол своевремено Хамер.
Покрај деловниот живот, му настрада и неговиот приватен живот – тогаш Елизабет Чемберс поднесе и барање за развод.
И покрај овој тежок период, актерот денес работи на опоравување на својата актерска кариера, а тоа го прави токму во Хрватска. На својата приказна на Инстаграм, тој објавил фотографија од, очигледно, Загреб, каде што вчера почна да снима филм со германскиот режисер Уве Бол.
Armi Hamer stigao u Hrvatsku pic.twitter.com/whgQtZXfza
— Arsil (@arsagarson) January 27, 2025
Станува збор за трилерот „The Dark Knight“, во кој Хамер ќе глуми одмазник кој се бори против криминалот и станува сензација на социјалните мрежи и херој, но шефот на полицијата го гледа како закана. Иако филмот го има истото име како и филмот на Кристофер Нолан за Бетмен, а самото дејствие потсетува на главниот лик, извршниот продуцент Мајкл Рош истакна дека нивниот филм е многу различен од оној на Нолан и дека нема грижа дека некој може да се збуни…
– Луѓето ме нарекуваа канибал и сите им веруваа. Тие рекоа: „Да, тој човек јадеше луѓе“. Како, што? За што зборуваш? Дали знаеш што треба да правиш за да бидеш канибал? Мора да јадете луѓе. Како тоа јас сум канибал? Беше бизарно – рекол Хамер во поткастот „Болни лекции“, каде што ги коментирал обвиненијата против него.
Тој беше ослободен од обвиненијата во 2023 година. Хамер денес вели дека е благодарен за тоа бидејќи научил да се сака себеси.
– Многу сум благодарен за тоа бидејќи, пред сето ова што ми се случи, никогаш не се чувствував добро, никогаш не бев задоволен, никогаш немав доволно, никогаш не се чувствував задоволен со себе и немав самодоверба – рекол Хамер.
Кариерниот пад на Арми Хамер: „Ми велеа дека сум канибал и силувач, но сега сум благодарен за тоа…“
